الواحد هالأيامات شوية لا تقطعلو عرق من نظرية المؤامرة و الحق حسيت روحي متقلق كيفاش مانيش فاهم هالنظرية الهايلة وليت تمعنت في الموضوع وحمد الله يا ربي عندي حبيب يفهملها في المؤامرات وهك الجو الليكس ولا عمل علي مزية وفسرلي العملية و بعد بعض التجارب الناجعة للنظرية فهمت برشة حاجات والحق فيها إستعمال هين جداً للعقل "بحيث" (كيف ما يقول السبسي :)) ما تستحقش معرفة لا بالوضعية لا بالتاريخ لا بالجغرافيا لا بالسياسة لا بالإقتصاد !
testée et approuvée في تونس تخدم من بنزرت لبنقردان تلقاها عند المهندس وعند المخنان.
من لاخر تتوفر فيها كل مواصفات الرخص والبنة.
إنت كيفي أنا ما تفهمش في نظرية المؤامرة تستنى كيف أمة محمد الكل بش تفهم إلي صاير تحب تعرف الناس إلي فاهمين الدنيا الكل كيفاش يعملوا !!
هاو بعض الامثلة بش تولي تفهملها كما خواتك في الحقائق الخفية
P.S:la théorie du complot est open source tout est dispo sur internet
.et gratuitement
هاو بعض الامثلة بش تولي تفهملها كما خواتك في الحقائق الخفية
P.S:la théorie du complot est open source tout est dispo sur internet
.et gratuitement
بن لادن مثلاً عملتو أمريكا بش تنجم تخرج الروس من أفغانستان بالأمارة ما تحبش الاتحاد السوفياتي
سبتمبر11 عملتو أمريكا بش تشوه الإسلام بش تنجم تدخل لافغانستان بالأمارة تكره المسلمين
الشاه عملتو أمريكا بالأمارة تكره المسلمين
مبارك عملتو أمريكا بالأمارة ما تحبش العرب
الحرب على الإرهاب عملتها أمريكا بش تنجم تدخل للعراق بالأمارة تحب البترول
صدام عملتو أمريكا بش يقاوم إيران بالأمارة ما تحبش المسلمين
الأزمة المالية عملتها أمريكا خاطر بلدان الخليج بداو يحسنو في الإستثمار متاعهم بالأمارة تكره العرب
الدول العربية إلي عايشة تخلف على المستويات الكل جرة أمريكا بسياسة تجهيل الشعب بالأمارةأمريكا تكره العرب
القاعدة عاملتها أمريكا بش تخوف بها بالأمارة ما تحبش المسلمين
بن لادن قتلوه الأمريكان ضاهرة الحكاية أمريكا عملتها بش تخوف بالإرهاب بالأمارة ما تحبش المسلمين بش هكاك ينجمو يخوفو الناس من الإرهاب والناس تولي خايفة من القاعدة وتفك العرب من الثورات إلي هما ما يساعدوهاش ما يساعدهاش والحق العرب يخوفو تي بالأمارة تكره العرب والمسلمين.
تو بما اننا متفاهمين على المستوى العالمي
نتعداو للمستوى الإقليمي
الإرهاب في الجزائر عملوه الجنرالات ولصقوه في جبهة الإنقاذ و الجماعة السلفية للدعوة والقتال.
تفجيرات الدار البيضاء عملوهم المخابرات.
تفجيرات مراكش عملتها الحكومة المغربية بش ما تعملش إصلاحات
السادات قتلو مبارك ووحلها في الإسلاميين بالأمارة ما يحبش الإخوان المسلمين عفواً المسلمين .
حكاية سليانة الحكومة التونسية بش الناس تخاف ويرجعوا يقمعو .
ماء الفرق عملوا بن علي بالأمارة ما يحبش النهضة عفواً المسلمين .
سليمان عملها بن علي بالأمارة ما يحبش المسلمين.
رشيد عمار عمل مؤامرة بالأمارة جنرال وكان صدقني ربي عمل ستاج في أمريكا و يصنصر في الإنترنت
الطريقة إذن ساهلة ياسر في متناول العقل العادي نتصور حتى بإستخدام صبع ساقك الكبير تنجم تخرج منها مع اعتذاراتي للناس المؤمنة بنظرية المؤامرة مازلت مبتدئ يمكن !!
I الفاعل : اللعبة الكل هنا يلزمك تختار أي حاجة ما عندكش فيها ثقة مطلقة من المستحسن يكون الشخص هذا عندو نفوذ و مهوش معروف معناها مخاطبك ما يعرفوش على خاطر في حالة يكون يعرفوا قد تتعرض لكبوت خايب برشة ووجهك يتزلع في القعدة وترصيلك تلون في وجهك وتطلب في السماح
أمثلة: أمريكا بن علي مبارك رئيس المركز إلي في الدورة السبسي فرنسا طارق بن عمار نسمة.........
II المفعول به : الناس إلي ماعندهمش ثقة في الفاعل سواء كان شخص ولا منظمة شبح ولا دولة :p ولهنا إنت و مدى قابلية المخاطب للغة اليتم !
الأمثلة : الشعب المتدينين المناطق الداخلية الإسلاميين المسلمين العرب
III الفعل يتم إختيارو حسب الواقعة و يتم نسبه للفاعل إلي تم ذكرو [c.f I] وإلي التهمة كاملة بش تتلفقلو: تفجيرات إرهاب حرب دكتاتورية قتل قمع .....
التبرير(Option) وهوني اللعبة الكل م تستحقش بش تعرف علم الاجتماع بش تفهم في الاقتصاد بش يكون عندك المام بالأمور السياسية كل م تستحقوا هو تهمة للفاعل إسلاموفوبيا هذي ليكس برشة (fortement conseillée aux débutants ) يكره العرب يحب إسرائيل ماسوني صهيوني وهوني مذبك ما تكثرش في الحديث قد يهزك للكبوت إلي حكينا عليه في I
تقعد حاجة بش نقولها استعمالها مع عبد مهوش مغروم بها قد يتسببلو في نوبة قلبية ساعدو على العباد إلي تعرفوهم!!
أيا انستو
أيا انستو
les extrêmes tuent !
RépondreSupprimerDémentir systématiquement les théories de complot , et aimer à croire systématiquement que c'est un complot tuent !
croire que le monde roule tout seul , sans complots et sans manipulations , surtout vu les enjeux stratégiques et géopolitiques, est aussi débile et débutant que de croise de façon dogmatique au complot
مرحبا
RépondreSupprimerأولاً المشكل في تونس النوع الثاني! الناس من النوع الأول ما نراش عندهم حضور كبير !
هوني ما حكيتش على المصالح حكيت على نظرية المؤامرة
ما قلت في حتى وقت إلي أمريكا ملائكة ولا إسرائيل ولي صالح ولا الناس ما تخدمش لمصالحها ولا رجل الأعمال ما يحبش يربح فلوس
حكيت على ناس قبل ما تبدى تخمم في حكاية معينة عارفة بالظبط شكون المتهم هذي ما عندو حتى علاقة بمحاولة الفهم أما فيه تلفيق تهم !!
ونظرية المؤامرة قائمة على الشي هذا و تضر فينا برشة حسب رأيي ما دام كل واحد يرى إلي سبب الفشل متاعو في حاجة معينة
والمصيبة الناس إلي يخممو بالطريقة هذي عندهم إيمان إلي هما يمتلكو الحقيقة المطلقة وجابو السيد من أوذنو بحكاياتهم الحولة
klemek mezyen , ama yettaba9 zeda 3ala ennaw3 loul :
RépondreSupprimer- 3andhom 7oudhour ama may3aytouch barcha (3andi wa7ed menhom feddar mwarrini el wil)
- le fait alli inti ma9oltech all US et israel mahomch ilwajou 3ala masl7ethom makhawallekch innek tetjahel l'impact de cette réalité et d'omettre son effet.
- klemek s7i7 barch mel groupe 2 makhammouch et loumour sahla barcha 3andhom , complot complot.
- Ana n9oul alli la passivité, et le fait d'avaler tout ce qu'on raconte aux médias (surtout Tunisiens) nous est au moin aussi nocif.
- maffama 7Add 3andou el 79i9a el motl9a , lé groupe 1 lé 2.
Comme tu l'as peut être déja compris , je ne suis ni partisant de 1 ni de 2 , c'est un tri selectif qui s'impose,et c'est au cas par cas, el madda echakhma (alli momken toghlot) lazemha tekhdem.
Je te demande de ne pas prendre une position (du moin absolue) quand tu rédige un article , parce que comme tu vois , ton article a moin de poids en passant outre sur le groupe1. il aurait pu être meilleur.
C'est n'est que de la critique objective.
merci de les accepter
J'ai publié cet article sur ma page facebook et j'ai mentionné la source.
RépondreSupprimerPS: heyel l'article ! bravo ;D
berjouliya allah msali 3al nibi kont bech nektib 3ala nafs almawdhou3 ama sba9tni yalla yasadi9i il mohim il fayda 7aslet
RépondreSupprimerma tejbedch el jaych ya irhebi ya hayawen
RépondreSupprimerقيس هيثم : شكراً ومرحبا :))
RépondreSupprimerje ne peux qu'exprimer mon admiration devant une analyse aussi pertinente, BRAVO
RépondreSupprimer